युवापुस्तामाझ निकै लोकप्रिय हलिउड गायिका एवं अभिनेत्री सेलेना गोमेज ‘एएमए रेड कार्पेट’का लागि केहीदिन अघि कपाल छोट्यार बोलोन्डे अवतारमा प्रस्तुत हुँदा प्रशंसकहरु चकित हुनु नौलो कुरो थिएन । तर उनको बोलोन्डे अवतारलाई उनका प्रेमी जस्टिन बिबरले समेत प्रशंसा गरेका छन् । आफ्नो प्राकृतिक कालो कपाललाई लाइट टोन दिएको तस्बिर आजभोली सामाजिक सञ्जालमा हिट भएको छ । इन्स्टाग्राममा सेलेनाले पोस्टेको फोटोलाई साढे दस लाख प्रशंसकका साथै जस्टिनले समेत लाइक गरेका छन् । सेलेनको नयाँ अवतारको प्रशंसा गर्दै जस्टिनले उनलाई म्यासेज समेत गरेको बताइन्छ । केही वर्ष प्रेम सम्बन्धबाट टाढै रहेका जस्टिन पछिल्लो समय सेलेनासँगै देखिन थालेका छन् ।