आइतबार, ०९ मङि्सर २०८१, ०१ : ३५
OR
महँगा जितु, महँगी स्वस्तिमा !
सानिमा इन्स्योरेन्स कम्पनीको ब्रान्ड एम्बेस्डरका रुपमा चर्चित हास्य कलाकार जितु नेपाल र अभिनेत्री स्वस्तिमा खड्का छनोट भएका छन् । कम्पनीले मंगलबार एक विशेष कार्यक्रम आयोजना गर्दै यी दुई चर्चित कलाकारलाई सानिमा इन्स्योरेन्सको ब्रान्ड एम्बेस्डरका रुपमा स्वागत गरेको हो ।
दर्शकलाई गर्लफ्रेन्ड सरप्राइज
सलिनमान बानियाँ डेब्यु फिल्म ‘ए मेरो हजुर २’बाटै स्टार भए । पहिलो फिल्मले मालामाल व्यापार गरेपछि निर्माताको नजरमा पर्ने नै भए । त्यसैले सलिनलाई दिनहुँ नयाँ नयाँ निर्माताले फिल्म खेल्नका लागि अप्रोच गरिरहेको अनुमान लगाउन सकिन्छ ।
रानीमहलमा वर्षा
अभिनेत्री वर्षा सिवाकोटी नयाँ फिल्म ‘रानीमहल’का लागि अनुबन्धित भएकी छन् । उनीसँगै दुई अभिनेता र एक अभिनेत्रीले समेत सोही फिल्ममार्फत डेब्यु गर्दैछन् । रानीमहलमा वर्षासँगै नव अभिनेताहरु आशीष अधिकारी, साहिल श्रेष्ठ देखिनेछन् । रानीमहलमार्फत नै मानस्वी खरेलले समेत आफ्नो फिल्मी यात्रा सुरु गर्दैछन् ।
कवि विप्लव प्रतीकको नजरमा ‘लालपूर्जा’: निर्देशकमाथि कलाकार हावी
हामी यसमा परिचित नभएकाले एकपटकमा यो फिल्मलाई बुझ्नै सकिन्न । निर्देशकले नयाँ किसिमको कल्पनालाई फिल्ममार्फत् प्रस्तुत गरेका छन् । पहिलो पटक यस्तो खालको नेपाली फिल्म बनेको हुँदा दर्शकले स्विकार्न सक्दैनन् ।
आमा निशा
हिरोइनहरुको उमेर छँदै सकभर विवाह हुनै मुस्किल, अझ विवाह भइहाल्यो भने बच्चै पाइहाल्न रहर चैं गरिहाल्दैनन् । तर, अभिनेत्री निशा अधिकारी यो मामलामा फरवार्ड देखिएकी छन् । विवाह गरेको ५ महिनामै निशाले आफू गर्भवती भएको घोषणा गरेकी छन् ।
सन्ध्यालाई दोहोरो झट्का
भिजेबाट हिरोइन बनेकी सन्ध्यालाई पहिलो झट्का त्यतिबेला लागेको थियो, जतिबेलामा ‘ड्रिम्स’ हिट हुँदाको क्रेडिट उनको भागमा परेन । ठूलै भूमिकाको आसमा फिल्म गरेकी उनले फिल्म रिलिजपछि भूमिका चित्त नबुझेपछि आफूले अतिथि भूमिका निर्वाह गरेको बताएकी थिइन् ।
बुई चढेर निर्देशक
यस्तो लाग्छ, फिल्म निर्देशक बन्नु नेपालमा सबैभन्दा सजिलो काम हो । यही सोचका कारण यस्ता यस्ता मानिस निर्देशक बनेका छन्– जसलाई न बेलामा एक्सन भन्न आउँछ न कट । यस्तै निर्देशकको भीडमा उभिने तयारीमा छन्, साहित्यकार कुमार नगरकोटी ।
‘के गर्ने ? जोकरनै बिक्री भइरहेका छन् त !’
हास्य अभिनेत्री दीपाश्री निरौला नेपाली फिल्म क्षेत्रमा सर्वाधिक कमाउने फिल्मकी निर्देशक हुन् । उनी निर्देशित दुवै फिल्म ‘६क्कापञ्जा’ र ‘६क्कापञ्जा–२’ले व्यापारिक रुपमा ठूलो सफलताको स्वाद चाख्यो । पछिल्लो समय सफलता सँगसँगै उनलाई चर्चा र विवादले पनि उत्तिकै पक्रन थालेको छ ।
बलबहादुरको ‘यसपाली त बिहे गर्ने हो ’
राजवंशी भाषाका स्टार भनेर चिनिएका बलबहादुर राजवंशीले पछिल्लो समय नेपाली गीत गाएर बजारमा ल्याएका छन् । दुई सयको हाराहारीमा राजवंशी भाषाका गीत गाएर चर्चा कमाएका बलबहादुरले ‘यसपाली त बिहे गर्ने हो ’ गीतको म्यूजिक भिडियो बजार ल्याएका हुन् ।
धुर्मुसेको प्रगति
सीताराम कट्टेल ‘धुर्मुस’ अहिले सर्वाधिक चर्चित हास्यकलाकारमध्येका एक हुन् । फरक–फरक भूमिका निभाएकाले उनी चाँडै दर्शकको मनमा बस्न सफल पनि भए । अझ उनले गरेको पछिल्लो सामाजिक कार्यले त उनी राष्ट्रिय व्यक्तित्व नै बनेका छन् । तर उनले यहाँसम्म आइपुग्न निकै पापड बेल्नु परेको थियो । उनले सहजै यो स्थान बनाएका होइनन् ।
रेखा रिटन्र्स ?
सन् २००१ मा रेखा थापाले छवि ओझाको फिल्म ‘हिरो’बाट डेब्यु गरेकी थिइन् । कहिले बलिउडका हिट फिल्मका नाम त कहिले कथा साभार गरेर फिल्म बनाउँदै आएका ओझाले यो नाम ज्याकी श्राफको पहिलो फिल्मबाट उडाएका थिए । तर, अक्कल बिनाको नक्कलले के काम गथ्र्यो ? फिल्म पिटियो । तर, रेखा थापा चर्चित भइन् ।
ट्रेलरमै नक्कल !
बन्ने बेलादेखि नै ‘कृ’को सानो हल्ला छैन । कहिले अनमोल केसीको पारिश्रमिक त कहिले अनमोलले ज्यान बनाउन गरेको मिहिनेतको हल्लाले ‘कृ’ वर्षकै सबैभन्दा बढी हल्लीखल्ली भएको फिल्म बनेको छ । हल्ला अनुसार फिल्मको ट्रेलर पनि सबैले दमदार अपेक्षा गरेका थिए । ट्रेलर दमदार नै छ तर सँगसँगै यसलाई नक्कलको आरोप पनि लागेको छ ।
फिल्म छाडेर अस्ट्रेलिया
नेपालका हिरो हिरोइनका लागि फिल्म दिनदिनैको दालभात जस्तै छ । जसरी दिनदिनैको दालभातमा मान्छेलाई चाख हुन्न त्यस्तै अवस्था हाम्रा कलाकारको पनि छ । त्यसैले त कलाकार फिल्मको प्रमोसन होस् वा रिलिज आफूअनुकूल समय छ भने गई टोपल्छन्, छैन भने बालै दिन्नन् । कलाकारको यस्तै व्यवहारको सिकार बनेको छ, ‘मिस्टर झोले’ ।
बलिउडमा जम्न नपाएका गायक
‘माइतीघर’ फिल्मको सुटिङका क्रममा नेपाल आएकी अभिनेत्री माला सिन्हा गायक प्रेमध्वज प्रधानको रुप र स्वरबाट निकै प्रभावित भएकी थिइन् । माला सिन्हाको झुकाव उनीप्रति कतिसम्म थियो भने फिल्मको सुटिङ युनिट जहाँ–जहाँ पुग्थ्यो सिन्हाको अनुरोधमा निर्माण पक्षले प्रेमध्वजलाई पनि सँगै लग्नु पथ्र्यो । माला सिन्हाकै अनुरोधमा प्रेमध्वज भारतको मुम्बई पनि पुगेका थिए ।
कहिलेसम्म ‘साथी’को नाटक ?
दुनियाँलाई थाहा भइसक्यो पल शाह र आँचल शर्माका बीचमा गहिरो प्रेम छ । निर्माता निर्देशकले पनि उनीहरुको मर्म बुझेर नै होला प्याकेजमा डिल गर्न थालेका छन् । जहाँ पललाई लिनु छ त्यहाँ आँचल पनि अटाउनु पर्यो । अझ म्युजिक भिडियोमा त कुरै भएन । पल र आँचलले बेग्लाबेग्लै खेलेका म्युजिक भिडियो पाउनै मुस्किल ।
‘सन्नी लियोन नभन्नू’
‘कृ’मार्फत नेपाली रजतपटमा भित्रने सुरसारमा रहेकी अभिनेत्री हुन् अदिती बुढाथोकी । मुम्बईको ग्ल्यामर उद्योगमा भविष्य खोजिरहेकी अदितीले त्यहाँ साना तिना म्युजिक भिडियो र ¥याम्पमा आफूलाई प्रस्तुत गर्दै आएकी थिइन् । तर, विगत एक वर्षयता ‘कृ’को सुटिङका लागि काठमाडौंमा नै ज्यादा बस्दै आएकी छिन् । तर, अदिती नेपाल मै रहेका बेला उनले फोटो सुट गरेका यस्ता फोटो बाहिरिए जसले धेरैको मुखबाट जिब्रो निस्कियो ।
गुनगुनाइरहने गीत
मेरो ‘अलटाइम फेभरेट’ गीत हो यो । किशोर कुमारले गाउनुभएको यो गीतको शब्दभित्र ठूलो यथार्थ छ । यो गीतले जोकोहीलाई छुन्छ । गीतले ‘कुरा काट्ने दुनियाँ’को कुनै पर्वाह नगरी अघि बढ्न हामीलाई प्रेरित गर्छ । गीतले भनेझैँ म पनि सधैंँ त्यसै भन्ने गर्छु, ‘कुरा काट्ने त मान्छेको कामै हो तर त्यसको पर्वाह नगरी अघि लम्कनुपर्छ । ’
‘द लास्ट हनिहन्टर’को अनुभव
विगत दुई दसकयता भीरमौरीको मह काढिरहेका पूर्वी पहाडका मौलीधन राईले पहिलो पटक ठूलो पर्दामा आफैँलाई नायकका रुपमा उभ्याएको डकुमेन्ट्री हेरेर दङ्ग परे । काठमाडौँमा हालै सम्पन्न काठमाडौँ अन्तर्राष्ट्रिय पर्वतीय फिल्म महोत्सवमा ‘द लास्ट हनिहन्टर’मा उनको कौशल देखाइएको थियो । पहाडी गाउँबाट भिडभाडको शहरमा यात्रा नगरेका उनी आफ्नै फिल्म हेर्न जीवनमै पहिलोपल्ट गाडी चढेर आफ्नै फिल्म हेर्न काठमाडौँ आइपुगेका थिए ।
किम्फमा ‘दी लास्ट हनी हन्टर’लाई दुई अवार्ड
भीरमा मह काढ्ने कुलुङ राईको परम्परामाथि बनेको वृत्तचित्र ‘दी लास्ट हनी हन्टर’ले राजधानीमा सोमबार सम्पन्न १५ औं संस्करणको ‘काठमाडौं अन्तर्राष्ट्रिय फिल्म फेस्टिभल’मा दुई अवार्ड जितेको छ । ३५ मिनेट लामो यो वृत्तचित्रले ‘नेपाल पनोरमा’ अन्तर्गत ‘अडियन्स अवार्ड’ र ‘स्पेशल जुरी मेन्सन’ अवार्ड जितेको हो । यो वृत्तचित्र अमेरिकी नागरिक बेन नाइटले निर्माण तथा निर्देशन गरेका हुन् । उनले नेपालमा निर्माण गरेको यो पहिलो वृत्तचित्र हो ।
सर्वनामले मोबाइल फिल्म प्रतियोगिता गर्ने
राजधानीको कालिकास्थानमा रहेको सर्वनाम थिएटरले विगतको वर्षझैं यस वर्ष पनि मोबाइल फिल्म प्रतियोगिता ‘दृश्यांश’ आयोजना गर्ने भएको छ । सर्वनाममा आइतबार पत्रकार सम्मेलन गर्दै आयोजकले प्रतियोगिताको घोषणा गरेको हो । प्रतियोगिताकी संयोजक सम्पदा मल्लले कथा भएर पनि प्रविधिको कारणले ती कथालाई बाहिर ल्याउन नसकेका युवापुस्तालाई ‘दृश्यांश’ले मूलधारमा ल्याउन सहयोग गर्ने बताइन् ।
Copyright 2024 Nepal Republic Media Pvt. Ltd.
| All rights reserved.