एक हप्ताअघि एक अनलाइनले प्रकाशन गरेको स्मारिकामार्फत अभिनेत्री रेखा थापाले गुनासो गरेकी थिइन्, ‘पन्ध्र वर्ष भयो, मैले ‘ब्याक टु ब्याक’ हिट फिल्म दिएको, त्यो पनि एक्लैको भरमा । मैले हिरोइन पनि हिरो बन्न सक्छ भनेर देखाएँ तर आज मलाई मेघास्टार, महानायिका भन्न डराउँछन् । तिनै पत्रकार १–२ हिट फिल्म दिएको भरमा नयाँलाई ‘मेघास्टार’ भन्न हिच्किचाउँदैनन् ।’
उनको यो अभिव्यक्ति विवादमा आयो । ‘मेघास्टार’ र ‘महानायिका’ नभनेकोमा रेखाको चित्त दुखाई भन्ने आशयका खबरहरु अनलाइनमा छाए । धेरैले यो अभिव्यक्ति अनमोल केसीप्रति लक्षित अनुमान गरेका थिए ।
सायद यसले रेखालाई निकै तनाव दियो, त्यसैले आफ्नो फिल्म ‘मालिका’को गीत लन्च कार्यक्रममा उनले यस विषयमा लामो स्पष्टीकरण नै दिइन् । ‘मेरो आशय नामको पछाडि पद चाहियो भन्ने थिएन तर यसलाई गलत अर्थमा लिइयो,’ उनले ठूलो गुनासो पोखिन्, ‘रेखा थापालाई कुनै पद चाहिँदैन । म त त्यसै पनि सबैको प्रिय मान्छे हो । म न स्टार हुँ, न मेघास्टार, न महानायिक नै । मभित्र नायक छ । म असल मान्छे हुँ र असल कलाकार मात्रै हुँ । त्योभन्दा बढी मलाई केही कुराले सम्बोधन गर्नुपर्दैन । मलाई दर्शकले सम्बोधन गरिदिए पुग्छ ।’
आशलाग्दा कलाकारलाई आवश्यकताभन्दा धेरै फुर्काउनु उनीहरुको भविष्यका लागि हानिकारक हुने उनको तर्क थियो । ‘नर्सरी क्लास नै नपढेको मानिसलाई एसएलसी पास भइसकी भन्ने खालको प्रशंसा गर्नु कतिको उपयुक्त होला ?’ उनको प्रश्न थियो ।
अहिले सम्भावना देखाएका कलाकारप्रति आफूले ईष्र्या नगरेको उनको स्पष्टीकरण थियो । ‘नयाँ आउने कलाकारलाई प्रोत्साहन गर्ने हो, तर यसको पनि लिमिटिसेन हुन्छ । ताकि त्यसले पछि गएर उसलाई नै ह्यारेस्मेन्ट नहोस्,’ उनले कार्यक्रममा भनिन्, ‘हामीले जसलाई आशालाग्दो कलाकार मानिरहेका छौं उनीहरुलाई ग्रो हुन दिनुप¥यो, अगाडि बढ्न दिनुपर्याृे । एकैचोटी क्राउन लगाइदिएर थेग्न नसक्ने अवस्थामा नपु¥याइदिऊँ ।’
Leave A Comment