सूर्य राया, चालक
को १ ज ६७०
दशैँ कस्तो भयो गुरुजी ?
रमाइलो भयो । मावली गइयो, टीका लगाइयो ।
कमाइ त राम्रै होला नि ?
के राम्रो हुनु र ? खानमै सिद्धिन्छ कमाइजति । पहिलाजस्तो छैन ।
महिनामा कति बचाइन्छ ?
मुस्किलले १०/१२ हजार बच्छ ।
कति भयो गाडी लाइनमा लागको ?
भयो पाँच वर्षजति ।
पहिला के गर्नुहुन्थ्यो ?
पहिला सेल्सको काम गर्थें डिलरमा । त्यसबेला गाडीमा हिँड्दाहिँड्दै गाडी सिकियो । त्यसपछि आफैँ चलाउन थालेको हुँ ।
गाडी आफ्नै कि साहूको ?
साहूको नि । त्यही भएर त कमाइ गतिलो हुँदैन भनेको ।
यात्रु लिएर कहाँकहाँ जानुहुन्छ ?
विराटनगर, जनकपुर, कटारी, इलाम, वसन्तपुर सबैतिर पुगेको छु ।
यो लाइनका समस्या केके छन् ?
मुख्य समस्या त बाटो हो । सडकका खाल्डाखुल्डीले धुरुक्कै रुवाउँछन् ।
गाडीहरू धेरै छन् । प्रतिस्पर्धा त चर्काे हुन्छ होला ?
अहिले कुन क्षेत्रमा प्रतिस्पर्धा छैन ? हाम्रो लाइनमा त झन् धेरै छ ।
गाडीमा कस्ता गीत सुन्नुहुन्छ ?
म त दोहोरी गीत भनेपछि हुरुक्क हुन्छु ।
राजनीतिमा चासो राख्नुहुन्छ कि हुन्न ?
खासै चासो राख्दिनँ । चासो राखेर पो के हुन्छ ?
भविष्यको योजना के छ ?
आफ्नै गाडी किनेर चलाउने ।
प्रस्तुतिः गोपाल
Leave A Comment