सुर संवाद
मुरारी भट्टराई, गायक
केमा व्यस्त हुनुहुन्छ ?
पहिलो एल्बम ‘अनामिका’ पछि दोस्रो एल्बम निकाल्ने तयारीमा जुटिरहेको छु । एक महिनाभित्र सार्वजनिक गरिसक्ने योजनामा छुु ।
गाउने रहर कसरी पलायो ?
बच्चा हुँदाखेरि गाउँतिर जनवादी गीत खूब चल्थ्यो । त्यही सुनेर ममा संगीतको भूत चढेको भन्दा फरक पर्दैन । ६ कक्षा पढ्दा पहिलोपल्ट स्टेजमा गाएको थिएँ ।
पहिलोपल्ट गीत रेकर्डिङ गराउँदाको अनुभव कस्तो थियो ?
१० वर्षअघि धरानको रेकर्डिङ स्टुडियोमा ‘अनामिका’ बोलको गीत रेकर्ड गराएको थिएँ । निकै नर्भस थिएँ । हेडफोन लाउँदा गायक भएको अनुभव गरेँ । त्यतिबेला गीत फाइनल गर्न मलाई दुई घण्टा लागेको थियो ।
कस्ता–कस्ता गीत गाउन मन पर्छन् ?
मलाई विशेषगरी लोक फ्युजन भएका आधुनिक गीत गाउन खूब मन पर्छ ।
नयाँ एल्बममा कस्ता–कस्ता गीत हुनेछन् ?
जम्मा पाँचवटा गीत हुनेछन् । मेलोडी, कमेडी र फास्ट नम्बरका गीत हुन्छन् ।
मन पर्ने गायक/गायिका ?
नारायणगोपाल, भक्तराज आचार्य, तारादेवीका गीत खूब सुन्छु ।
एल्बम बिक्नै छाडेको अवस्थामा किन निकाल्दै हुनुहुन्छ ?
पैसा कमाउनलाई एल्बम निकालेको होइन । यो त एउटा दस्तावेज पनि हो नि ।
के–के बजाउनुहुन्छ ?
हार्मोनियम, पियानो बजाउँछु ।
तपाईका लागि संगीत के हो ?
मेरा लागि सुखदुःख दुवैमा साथ दिने साथी हो संगीत ।
प्रस्तुतिः सन्जिना
Leave A Comment