अभिनेत्री आँचल शर्माले आफ्नो प्रेमी हालै मिडियामा सार्वजनिक गरिन्। आँचलको प्रेमीसँगको तस्बिर सार्वजनिक हुनेबित्तिकै पर्दामा अक्सर उनका प्रेमी बन्दै आएका अभिनेता पल शाहलाई पीर परेछ किनभने यसअघि दर्शकले पल र आँचललाई नै वास्तविक प्रेमजोडीका रुपमा चिन्ने गर्थे।

फिल्म प्रदर्शन ताका दुवैजनाले प्रेमको हल्लालाई वास्तै गरेनन्। बरु फिल्म चलाउन अफेयर चलाए। तर अब त त्यही झूटका कारण पल र आँचललाई उनका दर्शकले कमेन्ट गर्न थालेका छन्। उनी दुई दर्शकलाई ढाँट्दाको परिमाण भोगिरहेका छन्। 

त्यसैले त पलले फेसबुकमै लेखेका छन्, ‘साथी मात्र थियौँ। त्यो भन्दा माथि केही थिएन।’ अब बोल्नु पर्ने बेलामा नबोलेर, अहिले बोलेर मात्र हुन्छ त पलजी ? हिजै आफूहरुबीच केही थिएन भन्नु पर्ने होइन र ? फिल्मको फाइदाका लागि चुप बस्ता कति घाटा लाग्दोरहेछ, बुझ्नु भो नि !!