फिल्म चलाउने लोभमा नेपाली कांग्रेसका सभापति शेरबहादुर देउवालाई जोडेर विवादमा तानिएको फिल्म ‘घामड शेरे’ काे समुह फिल्म प्रमोशनमा लाग्नुपर्नेमा आफ्नै मुख्र्याईका कारण अहिले माफि माग्दै हिड्नु परेको छ । फिल्म शुक्रवार रिलिज हुँदैछ।

केही दिन अगाडि पार्टी कार्यालयमा विरोधमा उत्रिएका युवा कार्यकर्ताप्रति आक्रोशित देखिएका देउवाको तस्बिर यो फिल्मसँग जोड्ने काम आशिफ शाहले गरेका थिए । त्यसपछि त फिल्मको नाम जोडेर ट्रोल नै बन्न थाल्यो । फिल्म निर्माण टिमले ट्रोलमा आफ्नो कुनै भुमिका नभएको दावी गर्दै हिडिरहेको छ ।

लुटका निर्देशक निश्चल बस्नेत र उनको श्रीमती स्वस्तिमा खड्काको अभियन रहेको फिल्मको ट्रेलरमा नै मुख्य अभिनेताको कमजोरी समेत छरपष्ट भएको छ । पहिलो ट्रेलर १० लाख बढीले हेरेका छन् । फिल्म रिलिज अगाडि दोस्रो ट्रेलर रिलिज गरे पनि त्यसले पनि त्यत्ति राम्रो प्रतिकृया पाउन सकेन । ट्रेलरमा मुख्य समस्या अभिनेता निश्चलको संवाद शोल्ने शैली कमजोर देखिएपछि आलोचना भएको छ । 

लुट फिल्मको सफल निर्देशन गरेका निश्चलको लुट २ त्यत्ति राम्रो नभएपछि उनी फिल्म अभिनयतिर लागेका थिए । प्राय फिल्महरुमा उनको अभिनयबारे आलोचना हुने गरे पनि उनी फिल्ममा देखिनेक्रम रोकिएको छैन । घामड शेरेमा स्वस्तिमा उनको सालिको भुमिकामा छिन् । दोस्रो ट्रेलरमा निश्चल खोलालाई मुद्धा हाल्दै गरेको देखाइएको छ ।

घामड शेरेसँग साहित्यकार झमक घिमिरेको जीवनीमा आधारित जीवन काँडा कि फूल लाग्दैछ । घिमिरेको कथा रहेको फिल्म विनोद विष्टले निर्देशन गरेका हुन् भने मुक्ति बराल उपाध्यायको पटकथा र संवाद छ । घामड शेरे कात्तिक ४ मा रिलिजको तयारी भएको थियो । तर हलमा थोरै शो पाएपछि रिलिज मिति सारेर २२ गते पूर्याउँदा ‘जीवन काँडा कि फूल’सँग जुध्न पुग्यो ।