२०६४ सालमा नै रेडियो नेपालमा स्वर परीक्षा पास गरेका विभूतिराज कोइरालाले गायनलाई चटक्क माया मारी सरकारी जागिर ताकेका थिए। पछिल्लो समय भने उनलाई पुरानो मायाले सताएको छ। त्यसैले त ‘मनका कुरा’ खुलाउँदैछन्।

एक दर्जन गीत रेकर्ड गराइसकेका उनले पछिल्लो समय आफ्नै शब्द, स्वर र संगीतमा ‘मनका कुरा’ सार्वजनिक गरेका हुन्। गीतको भिडियो पनि हालै रिलिज गरेका छन्। भिडियोमा रायन कार्कीको निर्देशन, प्रविन राई र योदीन योन्जनको छायांकन रहेको छ।

भिडियोमा मोडल कविता श्रेष्ठ र कौसल नेपालले अभिनय गरेका छन्। गीतको सम्पादन विष्णु खड्काले गरेका हुन् भने संगीत संयोजन संजय हमालको रहेको छ। यस्तै यसअघि सार्वजनिक भएको ‘हावामा उड्ने मान्छे’ले राम्रै दर्शक पाएको थियो।