पाल्पाली अचार
चाहिने सामग्रीः
१.अमिलो दही १ लिटर
२.हरियो लसुन ३–४ डाठ
३.आलु उसिनेको ६–७ पिस
४. कागतीको रस २–३ ठूलो चम्चा
५.सुकेको लसुन ५–६ पोटी
६.नुन स्वाद अनुसार
७.खुर्सानी धुलो १ सानो चम्चा
८. गरम मसला २ चिम्टी
९.सुकेको खुर्सानी ५–६ वटा
१०. तेल ३–४ ठूलो चम्चा
११. मेथी १ चिम्टी
१२. बेसार आधा सानो चम्चा
बनाउने तरिका
- हरियो लसुन र अदुवालाई सानो टुक्रा पारेर काट्ने ।
- सफा भाडामा दही राख्ने र हातले फिटने ।
- फिटेको दहीमा काटेको लसुन, चप लसुन, कागतीको रस, नुन खुर्सानी, धुलो गरम मसला राखी केही बेर हातले फिट्ने ।
- फिट्दा दहीमा राखेको आलुलाई मुछ्ने ।
- अन्तिममा मेथी, वेसार, रातो खुर्सानीले झान्ने ।
गाजरको हलुवा
चाहिने सामग्रीः
१. गाजर २०० ग्राम
२. काजु, नरिवल १ ठूलो चम्चा
३. किसमिस १ सानो चम्चा
४.बटर/घ्यू २–३ ठूलो चम्चा
५. तेजपात १–२ पात
६. चिनी १ ठूलो चम्चा
बनाउने तरिका
- गाजरलाई पखाली ग्रेड गर्ने (भुजा बनाउने ) ।
- प्यानमा बटर अथाव तेल तताउने ।
- बटर तातेपछि गाजर भुट्ने ।
- ४–५ मीनेटपछि काजु, नरिवल, किसमिस, तेजपात, चिनी राख्ने
- आवश्यकताअनुसार दूध अथाव पानी राख्ने र गाजर गल्ने गरी पकाएपछि गाजरको हलुवा तयार हुन्छ ।
खीर
चाहिने सामग्रीः
१. चामल (ताइचिन) १ कप
२. दूध १ लिटर
३. काजु (चप) आधा चम्चा
४. नरिवल (चप) आधा चम्चा
५. ल्वाङ, सुकुमेल २–३ पिस
६. किसमिस ६–७ पिस
७. छोकडा (चप) आधा चम्चा
८. चिनी १ ठूलो चम्चा
९. तेजपात १–२ पात
बनाउने तरिकाः
ड्ड चामललाई सफा पानीमा पखाल्ने ।
ड्ड डेक्चीमा चामल, दूध, काजु, नरिवल, ल्वाङ, सुकुमेल, किसमिस, छोकडा, चिनी, तेजपात राखी पकाउने ।
ड्ड १०–१५ मिनेट चामल गल्ने गरी पकाएपछि खीर तयार हुन्छ । खीरमा गाजर मसिनो काटेर पकाएमा यो बढी स्वादिलो हुन्छ ।
आलु दम
चाहिने सामग्रीः
१. आलु (उसिनेको) १८० ग्राम
२. तेल ५० ग्राम
३. अलैँची ५–६ पिस
४. दालचिनी २ पिस
५. सुकुमेल (धुलो) आधा चम्चा
६. रातो खुर्सानी २ पिस
७. टोम्याटो प्युरी ५० ग्राम
८. सुप धुलो १ चम्चा
९. खुर्सानी धुलो १० ग्राम
१०. धनियाँ धुलो १ चम्चा
११. लहसुन पेस्ट १ चम्चा
१२. नुन स्वादअनुसार
बनाउने तरिकाः
- आलुलाई सफा गरी धोएर नुन मिसिएको पानीमा ८० प्रतिशतसम्म गल्ने गरी पकाउने । त्यसपछि आलुलाई हल्का खैरो हुने गरी भुट्ने ।
- प्यानमा तेल तताउने । त्यसमा रातो खुर्सानी, दालचिनी, लसुन पेस्ट, नुन र अन्य मसला हालेर भुट्ने ।
- टोम्याटो प्युरी हाल्ने र केही बेरसम्म पकाउने ।
- भुटेका आलु त्यसमा हालेर ५ मिनेट जति फेरि पकाउने ।
- पाकेपछि माथिबाट सुप पाउडर राख्ने ।
मालपुवा
चाहिने सामग्रीः
१. मैदा २ कप
२. दूध ३ कप
३. केरा (मुछेको) २ पिस
४. नरिवल (चप) २ चम्चा
५. काजु (चप) १ चम्चा
६. किसमिस १५ पिस
७. सुजी १ चम्चा
८. चिनी २ कप
९. सुकुमेल ४ पिस
१०. पानी ३ कप
११. घिउ १ कप
बनाउने तरिकाः
- मैदा, दूध, केरा, नरिवल, काजु, किसमिस, सुजीलाई मिसाएर लेदो तयार पार्ने ।
- चिनी र पानी मिसाएर चास्नी बनाउने ।
- प्यानमा तेल तताउने र मालपुवा पकाउने ।
- मालपुवालाई प्लेटमा राख्ने र सर्भ गर्नुअघि चास्नीमा एक मिनेटसम्म राख्ने ।
सेल
चाहिने सामग्रीः
१. चामलको पीठो २०० ग्राम
२. चिनी २ ठूलो चम्चा
३. खाने सोडा १ चिम्टी
४. काजु, नरिवल (चप) १ ठूलो चम्चा
५. पानी वा दूध आवश्यकताअनुसार
६. तेल आवश्यकताअनुसार
बनाउने तरिकाः
- सफा भाँडोमा खस्रो चामलको पीठो, चिनी, सोडा, काजु, नरिवल एकसाथ राख्ने र आवश्यकताअनुसार दूध वा पानी राखी बाक्लो लेदो बनाउने ।
- कराहीमा आवश्यकताअनुसार तेल तताउने ।
- तेल तातेपछि बनाएको लेदोलाई गोला आकार बनाई तेलमा हाल्ने ।
- दुई चोटि पल्टाएर खैरो भएपछि निकाल्ने ।
ढकनी
दरको अर्को मुख्य परिकार हो ढकनी । यो पनि खीर पकाएजस्तै गरी पकाइन्छ । तर, यसका केही विधि भने फरक छन् । ढकनीका लागि घिउमा भुटेको चामल चाहिन्छ । उम्लेको दुधमा घिउमा भुटेर ब्राउन कलर भएको चामल हालिन्छ । यो खीरभन्दा केही बाक्लो हुन्छ । स्वादका लागि खीरमा प्रयोग गरिने मसला यसमा पनि प्रयोग गर्न सकिन्छ ।
भटारे
यो गाउँघरतिरको दरमा खूब चल्ने परिकार हो । यसका लागि गाईभैँसीको शुद्ध घिउ आवश्यक पर्छ । करिब एक घण्टाअगाडि चामल भिजाउनुपर्छ । भिजेको चामल खरिएको घिउमा झ्वाइँ पारेर ओइरिएपछि राम्रोसँग पन्युले चलाउनुपर्छ । चामल डुब्नेमात्र गरी पानी हाल्नुपर्छ । चलाउँदै, छोप्दै ठिक्क आँचमा पकाउनुपर्छ । अहिले खूबै चलेको पुलाउ यसैको विकसित रूप हो ।
Leave A Comment