वाक्सिङ
रौँलाई जरैदेखि हटाउने लोकप्रिय विधिमा पर्छ, वाक्सिङ । यसका लागि रौँ भएको ठाउँमा तातो मैन फैलाउने र कमलो कपडालाई मैनमाथि राखेर त्यसै छोडिदिने । मैन सुकेपछि कपडा बलपूर्वक तान्ने । अनावश्यक रौँ कपडासँगै बाहिर आउँछ ।

सुगरिङ
चिनीमा कागती, पानी र साइट्रिक एसिड मिसाएर लेप बनाउने र रौँ भएको ठाउँमा लगाउने । पटकपटक यस्तो गर्नाले रौँको जरा कमजोर हुन्छ र रौँ पातलो हुँदै बिस्तारै बिलाउँदै जान्छन् ।

हेयर रिमुभल क्रिम
बजारमा पाइने राम्रो कम्पनीको हेयर रिमुभल क्रिम रौँ भएको ठाउँमा लगाएर समेत अनावश्यक रौँबाट छुटकारा पाउन सकिन्छ ।

लेजर प्रविधि
अनावश्यक रौँ हटाउने यो सबैभन्दा आधुनिक, महँगो र लोकप्रिय प्रविधि हो । यो विधिअन्तर्गत लेजर किरणको सहयोगले कपालको जरालाई कमजोर बनाइ सदैवका लागि कपाल हटाउन सकिन्छ । कपालको जरा कमजोर भएपछि कपाल झरेर जान्छ । लेजर प्रविधिबाट अनावश्यक रौँ हटाउन सातदेखि आठ पटकसम्म लेजर लाइटको प्रयोग गर्नुपर्ने हुन्छ ।

रेजर
अनावश्यक रौँ हटाउने यो सबैभन्दा लोकप्रिय विधि हो । यो विधिअन्तर्गत रेजरले रौँ खौरिने गरिन्छ । तर, यसबाट सधैँका लागि रौँलाई हटाउन सकिँदैन । एक पटक रेजर गरेर फालेपछि रौँ अझ फैलिएर आउने जोखिम रहन्छ ।