नेपालमा समयमा सार्वजनिक सवारी नपाउनु वा समयमा स्टेसन नछाड्ने विषय सामान्य हो तर जापानमा भने निर्धारित समयभन्दा २५ सेकेन्ड चाँडै रेल हिँडेपछि रेल्वे कम्पनीले यात्रीको असुविधाका लागि माफी मागेको छ ।

वेस्ट जापान रेल्वेजले एक विज्ञप्ति प्रकाशित गर्दै २५ सेकेन्ड छिटो रेल छुटेको विषयमा माफी मागेको हो । बिहान ७ बजेर १२ मिनेटमा छुट्नु पर्ने रेल ७ बजेर ११ मिनेट ३५ सेकेन्डमा हिँडेको विषयमा अन्तरिक अनुसन्धान गर्ने जनाएको छ । हयोगो प्रिफेक्चरको निशी अकाशी छुटेको रेल अर्को स्टेसन नोतोवागामा निर्धारण गरिएको समयमा पुगेको थियो ।

तर पनि रेल सञ्चालकले यो घटनालाई दण्डबिना छाड्न नसक्ने जनाएको छ । रेल निर्धारित समयभन्दा छिटो हिँडेपछि धेरै यात्री छुटेका थिए र उनीहरुले स्टेसनको एटेन्डेन्टलाई यसको बारेमा गुनासो गरेका थिए । गत वर्ष पनि राजधानी टोकियोबाट पूर्वमा पर्ने सहर तसुकुबामा निर्धारित समयभन्दा २० मिनेट छिटो रेल हिँडेपछि रेल सञ्चालकले माफी मागेको हो ।