शालिकराम पुडासैनी आत्महत्या घटनामा जोडिएका टेलिभिजन कार्यक्रम सञ्चालक रवि लामिछानेलाई तीन सर्त सहित जिल्ला अदालत चितवनले पाँच लाख धरौटीमा रिहा गर्न आदेश दियो । 

अदालतले शालिकराम पुडासैनी दुरुत्साहनसँग जोडिने प्रशंसबारे कुनै पनि टेलिभिजन कार्यक्रम सञ्चालक गर्न नपाउने, सार्वजनिक मञ्चमा सो विषयमा बोल्न नपाउने र विदेश जानुपर्ने अवस्था आए पूर्व स्विकृती लिनुपर्ने तीन सर्त सहित धरौटीमा रिहा गर्न आदेश दिएको हो । 

थुनछेक बहसमा पक्ष–विपक्षमा रहेका कानुन व्यवसायीको बहस सुनेपछि अदालतबाट आदेश आएको हो । यस अगाडि उनीमाथि लाग्ने गरेको आरोपबारे आफ्नै कार्यक्रममार्फत बहस पैरवी गर्दै आर्फैलाई निर्दोश देखाएको पृष्ठभुमी र प्रहरी हिरासतमा रहँदा हिरासतभित्रै असुरक्षित छु, अनुसन्धान मान्दिन, हिरासतमुक्त भएको तीन मिनेटमै निर्दोष प्रमाणित गर्नसक्छु जस्ता उनका अभिब्यक्तिलाई अदालतले गम्भिर रुपमा लिएको आदेशबाट देखिएको छ । 

उनको पक्षबाट बहस गर्ने कानुनी सहयोगीले रविले सफाई पाउनुपर्नेमा धरौटी मागेकाले आफूहरु यो आदेश विरुद्ध उच्च अदालत जाने बताएका छन् ।