टोवी टिभी शृंखलाकी अभिनेत्री जिम्मा कोलिन पछिल्लो समय बिरामी पर्दा निकै खुसी देखिइन्। अत्यधिक मोटी अभिनेत्रीको उपमा पाएकी जिम्मा पछिल्लो हप्ता नराम्रोसँग बिरामी परेकी थिइन्। यसले उनले आराम गर्ने फुर्सद त पाइन् नै, सँगैमा आफ्नो वजन कम गर्ने बहाना पनि पाइन्।

३८ वर्षीया यी अभिनेत्रीले सामाजिक सञ्जालमा लेखिन्, ‘हुन त मानिसहरु बिरामी पर्दा रोइकराई गर्छन्, के के न भएजस्तो गर्छन् तर म भने खुसी भएँ। कम्तीमा मैले आराम गर्ने मौका त पाएँ नै, बिरामीका कारण वजन पनि पर्याप्तै घट्यो।’

त्यसो त वजन कति घट्यो, उनले खुलाएकी छैनन्। तर मान्छेलाई खुसी हुने सानो कारण मात्र चाहिन्छ। खुसी हुने कारण खोजीखोजी बिरामी नै हुँदा पनि खुसी हुनु चाहिँ अनौठै छ बा !!