कम गीत गाए पनि एकसेएक लोकप्रिय गीत गाएका अरुण थापाको २१ औँ स्मृति दिवस मनाइयो। 
करोडौं मुटुहरुको एउटै, चोट के हो व्यथा के हो, जति माया लाए पनि, म रोए पनि, दोष कसैलाई दिन चाहन्न जस्ता सुपरडुपर गीतहरु गाएका थापाको सम्झनामा गएको साउन ५ मा ‘शुभारम्भः द म्युजिकल जर्नी’ले सम्झिएको हो।

भक्तपुरमा गायक थापालाई सम्झनका लागि कोरोना प्रभावबाट जोगिन सामाजिक दुरी कायम गरिएको आयोजकले बताएको छ। 

कार्यक्रमलाई सामाजिक सञ्जालबाट प्रत्यक्ष प्रसारण गरिएको थियो। 

कार्यक्रममा अरुण थापाका ९ वटा गीतलाई भक्तपुरका स्थानीय कलाकार गौतम श्रेष्ठ, विनय कोजु, अञ्जना श्रेष्ठ, नवीन्द्रलाल कर्माचार्य, गंगाराम रंजीतकार, प्रवीण शाही, सहकुल अच्छामी, रामहरि ताम्राकार, अधिश्री कसपाल, सर्वश्री कसपाल र रोशन धौभडेलले लगायतले गाएका थिए। 

कार्यक्रममा प्राज्ञ ध्रुव मधिकर्मी, सुवासचन्द्र ढुङ्गेल लगायतका व्यक्तित्वको उपस्थिति थियो।