बिहिबार, ०९ जेठ २०७६, ०१ : ४४
OR
रितले देखाए क्रिकेटमा कमाल
एसिसी यु–१६ च्याम्पियनसिप इस्र्टन रिजन क्रिकेट च्याम्पियन बनेको नेपाली टोलीका कप्तान रित गौतमले भविष्यमा सिनियर टिमबाट खेल्ने हौसला बढेको बताएका छन् । नेपालले थाइल्यान्डमा भएको प्रतियोगितामा अपराजित रहँदै उपाधि जितेको थियो ।कप्तान रितले विगतको प्रतिष्ठालाई निरन्तरता दिन सफल हुँदा खुसी लागेको बताए ।
प्रतिभाको टोली लिग च्याम्पियन
राष्ट्रिय महिला भलिबल टोलीकी स्पाइकर प्रतिभा मालीको टोली मिस्किमागु इमेनजी गुलहुन क्लबले सि लाइफ ग्लोबल राष्ट्रिय भलिबल लिग च्याम्पियन बनेको छ । माल्दिभ्सको सोसियल सेन्टर इन्डोर हलमा शनिबार लिगको अन्तिम खेलमा मिस्किमागुले माल्दिभियन स्पोर्टस एन्ड रिक्रिएसनलाई सोझो सेटमा २५–२०, २५–१२, २५–२१ ले हरायो । मिस्किमागुको जितमा प्रतिभाले बुमन अफ द म्याचको ट्रफी जितिन् ।राउन्ड रोबिन डबल लिगको आधारमा भएको लिगमा मिस्किमागु ९ अंकसहित च्याम्पियन बनेको हो ।
रोनाल्डोले जित बालन डी’अर अवार्ड
पोर्चुगलका स्टार क्रिस्टियानो रोनाल्डोले मंगलबार लगातार दोस्रो पटक विश्व वर्ष खेलाडी बन्ने क्रममा पाँच पटक बालन डी’अर जित्ने अर्जेन्टिनी खेलाडी लियोनल मेसीको कीर्तिमानसँग बराबरी गरेका छन् । रियाल मड्रिडका फरवार्ड रोनाल्डोले बार्सिलोनाका मेसी र सबैभन्दा महंगा खेलाडी नेइमारलाई पछि पार्दै बालन डी’अर उपाधि जितेका हुन् । ३२ वर्षे रोनाल्डोले गत सिजन रियालबाट च्याम्पियन्स लिगको उपाधि रक्षा गर्ने क्रममा प्रतियोगिताकै सर्बाधिक गोलकर्ता बनेका थिए । त्यसका साथै पछिल्लो पाँच वर्षमा रियाललाई पहिलो पटक स्पेनिस ला लिगाको उपािध जिताउन पनि रोनाल्डोले योगदान गरेका थिए ।
मेसीको सम्झौता नवीकरण
बार्सिलोनाका स्ट्राइकर लियोनेल मेसीले आफ्नो भविष्यबारे महिनौँदेखि जारी अन्योल चिर्र्दै शनिबार क्लबसँगको सम्झौता थप चार वर्ष लम्बाएका छन् । बार्सिलोनाले क्लब र मेसीबीच सन् २०२१ सम्म क्याम्प नोउमै बस्ने नयाँ सम्झौता भएको घोषणा गरेको छ । मेसी र क्लबबीच गत जुलाईमै नयाँ सम्झौता भएको बताइए पनि शनिबार मात्र त्यसको औपचारिक पुष्टि भएको हो ।
तिब्बती प्रदर्शनका कारण चीन भ्रमण रद्द
स्वतन्त्र तिब्बतका पक्षधरहरुले लगातार चीनविरुद्धको प्रदर्शनलाई जारी राखेपछि चीनको यु–२० टोलीले विवादास्पद बनेको जर्मनी भ्रमण रद्द गरेको छ । टोकियो ओलम्पिक २०२० को तयारीस्वरुप चिनियाँ टोलीले सन् २०१८ को मेसम्म जर्मनीमा अभ्यास भ्रमण गर्ने तालिका थियो । तर गत शनिबार मेइन्जमा एक खेल दौरान मैदानमा भएका केही समर्थकले स्वतन्त्र तिब्बतका पक्षमा नाराबाजी गर्दै झण्डा प्रदर्शन गरेपछि बर्लिनमाथि कूटनीतिक टाउको दुखाइ बढेको थियो ।
तेस्रो भयो नेपाल
आइसिसी विश्व कपअन्तर्गत एसिया छनोटमा नेपालले तेस्रो स्थानका लागि भएको खेलमा हङकङलाई ३६ रनले पराजित गरेको छ । थाइल्यान्डमा भएको प्रतियोगितामा शीर्ष दुईमा पर्ने टोलीले विश्व कपका लागि ग्लोबल छनोटमा प्रतिस्पर्धा गर्न पाउने थियो तर नेपाल प्रतियोगितामा ६ अंकसहित तेस्रो स्थानमा सीमित भएपछि विश्व कप छनोटको अर्को चरण खेल्ने अवसरबाट वञ्चित भएको हो ।
खेलाडीको खडेरीमा पूर्वाञ्चल
नेपाली फुटबल जगतमा पूर्व क्षेत्रले विशेष महŒव बोकेको छ । फुटबल खेलाडीको उर्वर क्षेत्र भनेर पूर्व क्षेत्रलाई चिन्ने गरिन्थ्यो तर पछिल्लो समय यस क्षेत्रमा कुनै ठूला खालका प्रतियोगिता नहुनु, नियमित प्रशिक्षण नहुनुले नयाँ खेलाडी उत्पादन हुने र खेल्ने अवसरबाट वञ्चित हुँदै आएको छ ।
फुटबलमय झापाली दसैँ
चाडपर्वको छेक पारेर आयोजना भएको फुटबल प्रतियोगिताले झापाको शिवसताक्षी र भद्रपुरको दसैँलाई यसपटक फुटबलमय बनायो । यसले दसैँको अवसरमा कुनै न कुनै प्रतियोगिता हुँदै आएको झापाको फुटबलको परम्परा पनि धानेको छ । झापाली फुटबलका पुराना हस्ती एवम् वरिष्ठ फुटबल प्रशिक्षक भगिरथ आलेका अनु्सार दसैको अवसरमा जिल्लामा फुटबल प्रतियोगिता हुने चलन पुरानै हो ।
स्पेनिस ला लिगा छोड्ने बार्सिलोनाको संकेत
बार्सिलोनाका अध्यक्ष जोसेफ मारिया बार्टमेयुले आफ्नो क्लबले स्पेनिस ला लिगा छाड्न सक्ने संकेत गरेका छन् । हालेै स्पेनबाट स्वतन्त्रता प्राप्तिका लागि क्याटालोनियामा भएको जनमतसंग्रहले वैधानिकता पाएमा आफूहरूसँग ला लिगा छाड्ने विकल्प नहुने बार्टमेयुले बताए ।
सरुवा बजारमा नयाँ नियम
इङ्लिस प्रिमियर लिगका क्लबहरूले २०१८÷१९ को सिजन सुरु हुनअघि नै सरुवा बजार बन्द हुनुपर्ने पक्षमा मतदान गरेका छन् । सरुवा बजारमा हुने गतिविधिले आफ्नो तयारी प्रभावित हुने भन्दै प्रशिक्षकहरूले गुनासो गरेपछि यस्तो कदम चालिएको हो ।
नाडाललाई उपाधि
विश्व नम्बर एक राफेल नाडालले आइतबार दक्षिण अफ्रिकाका केभिन एन्डरसनलाई पराजित गर्दै तेस्रो पटक युएस ओपनको उपाधि जितेका छन् । स्पेनिस खेलाडी नाडालको यो १६औं ग्रान्ड स्लाम उपाधि हो । यसअघि नाडालले सन् २०१० र २०१३ मा युएस ओपनको उपाधि जितेका थिए ।
डेले अलीमाथि छानबिन
विश्व फुटबलको सर्वोच्च निकाय फिफाले गत शुक्रबार टोटनह्यामका इङ्लिस स्ट्राइकर डेले अलीले अनुशासन उल्लंघन गरेको भन्दै उनीमाथि छानबिन प्रक्रिया अघि बढाएको जनाएको छ । तर फिफाका प्रवक्ताले यस विषयमा छानबिन भैरहेको बताएका छन् ।
एन्डरसनको ५ सय विकेट
तीव्र गतिका जेम्स एन्डरसन ५ सय टेस्ट विकेट पूरा गर्ने इङल्यान्डका पहिलो बलर बनेका छन् । टेस्ट क्रिकेटमा ५ सय विकेट पूरा गर्ने उनी विश्वका छैटौं र तेस्रो तीव्र गतिका बलर हुन् ।
किरण र नङ्सल उत्कृष्ट वर्ष खेलाडी
फुटबलका किरणकुमार लिम्बु र ब्याड्मिन्टनकी नङ्सल तामाङ सोमबार वर्षको उत्कृष्ट खेलाडीबाट सम्मानित भएका छन् । महिलातर्फ रत्नजितकी दिदी नङ्सलले आर्चरीकी ज्ञानु अवाले, एथ्लेटिक्सकी कान्छीमाया कोजु, फुटबलकी सावित्रा भण्डारी र एथ्लेटिक्सकी सरस्वती भट्टराईलाई पछि पारिन् ।
सम्भावना सकिएको छैन
घरेलु मैदानमा ताजकिस्तानसँग २–१ ले पराजित भएपछि एएफसी एसिया कपको फाइनल चरण खेल्ने नेपालको सम्भावनामा थप चुनौती थपिएको छ । समूह चरणका तीन खेलबाट नेपालले एक अंक मात्र जोडेको छ ।
हमलापछि श्रीलंकाले पाकिस्तान भ्रमण गर्दै
आतंककारी हमलापछि पाकिस्तान भ्रमण गर्ने श्रीलंका क्रिकेट टोली पहिलो हुने भएको छ । आठ वर्षअघि आफ्नै टिममाथि लाहोरमा भएको डरलाग्दो आतंककारी आक्रमणपछि श्रीलंकाले पहिलो पटक पाकिस्तान भ्रमण गर्ने भएको छ ।
नेइमारको अनुपस्थितीले संकटमा बार्सिलोना
नेइमारलाई पेरिस सेन्ट जर्मन (पिएसजी) सरुवाको बाटो खोल्नु परेपछि धर्मराएको बार्सिलोना अझै राम्ररी सम्हालिन भ्याइसकेको छैन । मनोबल उच्च पार्न सुखद नतिजा आवश्यक रहेका बेला नेइमारको अनुपस्थितिमा बार्सिलोनाको नयाँ सिजन सुरुआत निराशाजनक रह्यो ।
ओस्कारको अभाव
सांघाई एसआइपिजीका प्रशिक्षक आन्द्रे भिलास बोआसले प्रतिबन्धका कारण लामो समयदेखि अनुपस्थित रहँदै आएका ब्राजिली मिडफिल्डर ओस्कारको अभावले क्लबको चिनियाँ सुपर लिग (सिएसएल) मा उपाधि जित्ने लक्ष्य धरमराउने चिन्ता व्यक्त गरेका छन् ।
कट्टरता क्रिकेटमा पनि
जब भारत र पाकिस्तानमा अन्तर्राष्ट्रिय प्रतियोगिता हुने चर्चा सुरु हुन थाल्छ, दुई कट्टर छिमेकी देश बीचको तनाव थप बढ्ने गरेको छ । अहिले युवा विश्व कप क्रिकेटलाई लिएर फेरि एउटा तनाब देखिएको छ ।
बोेल्ट राजको अन्त्य
अर्को एउटा फाइनल खेलमा कीर्तिमानी धावक उसेन बोल्ट ट्रयाकमा थिए । । १ सय मिटर दौडका लागि ५० मिटर पूरा गरेपछि बोल्टले अगाडि हेरे । एक मात्र होइन थुप्रै धावक उनका अगाडि दौडिरहेका थिए । अन्तिम समयमा विश्वकै सबैभन्दा तीव्र गतिका धावकले अगाडिका सबैलाई उछिन्ने प्रयास गरे । त्यति बेलासम्म पनि उनमा जित्न सक्ने आत्मविश्वास थियो ।
Copyright 2016 Nepal Republic Media Pvt. Ltd.
| All rights reserved.